“Bar keşelek öçen suğışabız”

İzrail däwlät başlığı İśxak Gerśog Şveyśariyaneñ Davos şähärendä oyıştırılğan 54nçe Bötendön’ya iqtisad forumında çığış yasadı.

İzrail ilbaşı İzrailneñ Ğazzädäge höcümnäre häm töbäk illäre belän mönäsäbätlärne cayğa saluğa tuqtaldı.

Gerśog tübändägeçä citkerde: “Soğud Ğaräbstanı belän mönäsäbätlärne cayğa salu Tel’-Aviv citäkçelege öçen suğıştan çığu yulı häm yaña ofıqnıñ açqıçı bulıp tora.”

İzrailneñ Yaqın Könçığışta Awrupa häm Amerika Quşma Ştatlarına yünälä alaçaq yanawlarğa kirtä quyuın äytkän İśxak Gerśog: “Bar keşelek öçen, bäysez dön’ya öçen suğışabız,” – dide.

Gerśog İzrail armiyaseneñ Ğazzägä höcümnärenä häm Livannıñ kön’yağında Xizbullah belän çıqqan bäreleşlärgä tuqtalıp: “İzrail bulmasa, çiratta Awrupa bulır ide, annarı – AQŞ,” – dide.

İzrail liderı xäzerge waqıtta 136 izraille äsirneñ Xamas qulında buluın häm älege äsirlärdän dürteseneñ 2014tän birle Ğazzädä totıluın belderde.