Angliya xökümäte Şotlandiya prem’yer-ministrın kisätte
Säbäbe - prem’yer-ministrnıň BMO Klimat üzgäreşe konferenŝiyäse waqıtında Angliya xökümäte wäqalätleläre bulmağan cıyılışta Törkiyä ilbaşı belän oçraşuı
Angliya tışqı êşlär ministrı Dêvid Kêmeron Şotlandiyäneň regional’ prem’yer-ministrınıň BMO Klimat üzgäreşe konferenŝiyäse waqıtında Angliya xökümäte wäqalätleläre bulmağan cıyılışta Törkiyä ilbaşı belän oçraşuı arqasında Angliyäneň Şotlandiyägä yärdämen kire qağu belän qurqıttı.
Xamza Yusaf Dubaydağı BMO Klimat üzgäreşe konferenŝiyäse qısasında İzrailneň Ğazzägä höcümnäre däwam itkändä utnı tuqtatu turında söyläşü öçen Räcäp Tayyip Ärdoğan belän oçraştı.
İzrailneň höcümnärendä 18 meňnän artıq fälästinleneň ğomere özelde.
İke citäkçe şulay uq klimat krizisı turında da söyläştelär.
Kêmeron soňraq Yusafqa yazğan xatında aldan xäbär itelmäw näticäsendä Angliya räsmi zatınıň oçraşuda qatnaşmawın, şulay itep protokol qağıydäläre bozılğanın belderä.
Kêmeron şulay uq kiläçäktä ixtimal protokol bozularınıň Şotlandiya xökümäte räsmiläreneň Angliya xökümäte wazıyfalarında buluına täêsir itä alaçağın da kisätte.
Yusaf Kêmerennoň kisätüe döres bulmağan yaqqa yünältelgän dip räsmi çaqıru yasalğanın äytte.
Yusaf Kêmeronnı “ähämiyätsez” häm “saylanmağan lord” dip atadı.
Şotlandiyäneň tışqı êşläre Angliyägä bäyle bulsa da, Şotlandiya qayber säyäsi temalar buyınça global’ mäs’älälärdä qatnaşa ala.
Läkin diplomatik protokol problemaları waqıt-waqıt qarşılıqlarğa kiterä.
Yusaf Angliya xökümäteneň İzrailgä häm anıň qamaw astındağı Ğazzägä höcümnärenä tulı yaqlaw kürsätkäne öçen tänqıyt’lägän ide.
Yusaf häm Angliya xökümäte arasındağı konflikt Şotlandiya liderınıň tuğannarı 1 ayğa yaqın Ğazzädä awır xäldä qaluğa qaramastan Angliya säyäsätçeläreneň bu mäs’äläne Yusaf belän söyläşüdän qaçuları arqasında tiränäyde.
Bu waqıyğa Şotlandiyädä zur tänqıyt’lärgä säbäp buldı.
