AQŞ Ukrainağa soñğı yärdämen cibärä
AQŞ däwlät särqatibe Êntoni Blinken 175 million dollarlıq xärbi yärdämneñ soñğısı bula alaçağın citkerde
2073549
AQŞ däwlät särqatibe Êntoni Blinken Ukrainağa 175 million dollar külämendä yaña xärbi yärdäm paketı bülenüen belderde. Ul monıñ soñğısı bula alaçağın da äytte.
“Kongress ilbaşınıñ milli iminlek öçen östämä finans taläben raslamasa, bu Ukrainağa birgän axırğı saqlanu yärdäme paketlarınnan berse bulaçaq”,-dide Blinken.
Xärbi yärdäm paketı qısalarında Pentagonnan Ukrainağa hawa saqlanu sisteması, artilleriyä qoralları, mıltıqlar, oçqıç raketaları häm kritik ähämiyätkä iyä milli asqormanı saqlaw texnikası cibäreläçäk.
