"Suğış Ukrainanıñ başqa öleşlärenä dä taralırğa mömkin"

 Ukraina Qorallı Köçläreneñ berläşkän köçlär komandirı Sergey Nayev Rusiya belän Ukraina arasındağı suğış Ukrainanıñ kön’yağı häm könçığışınnan çitkä taralırğa mömkin dip belderä.

Nayev fikerençä, Rusiya qoral citeşterüne arttırunı häm berlektäşläre yärdäme belän texnologiyälären üsterüne däwam itsä, xärbi êşçänlek Ukrainanıñ başqa öleşlärenä dä taralırğa mömkin.

Komandir äytkänçä, mondıy sśenariy Ukraina berlektäşläre yärdäm külämen kimetsä dä bulırğa mömkin.

“Yärdämneñ kimüe saqlanu sälätebezgä nıq täêsir itär. Şulay da bez bulğan äyberlär belän suğışunı däwam itärbez”,- di komandir.