BMO: “Aşlıq iniśiativasında 1900 köymä tikşerelde”
Berläşkän Millätlär Oyışmasınıñ Qara diñgez aşlıq iniśiativası koordinatorı Abdullah Abdussamed Deşti Qara diñgez aşlıq iniśiativası qısalarında 30 million yarım tonna aşlıq töyälgän 1 meñ 900dän kübräk köymäneñ tikşerelüen äytte
Deşti häm Bötendönya säwdä oyışması ğomum direktorı Ngozi Okonjo-Iweala Bötendönya säwdä oyışması tarafınnan oyıştırılğan "Qara diñgez aşlıq iniśiativası” temalı çarada çığış yasadı.
Qara diñgez aşlıq kereşüe qısalarında 1 meñ 900dän kübräk köymäne tikşerülären iskärtep uzuçı Deşti: "Tikşerü törkeme 7 kön êşli. Bu çınnan da ciñel êş tügel,” – dip äytte.
Deşti BMO aradaşçılığındağı iniśiativanıñ may urtasında ikençe tapqır ozaytıluın xäterlätep, berençe ike çorda kereşüneñ Rusiyädän häm Ukrainadan 45 ilgä 30 million yarım tonna aşlıq häm azıq-tölek êşlänmäseneñ alıp barıluın ciñeläytüen, global’ azıq-tölek bäyälären töşerüen häm bazarlarnı totrıqlılandıruın äytte.
Okonjo-Iweala isä Qara diñgez töbägendäge bäreleşlär, Ukrainadağı suğış häm kizü belän bergä yäşängän krizislarnıñ azıq-tölek belän ênergetika ölkäsendä dä krizisnıñ barlıqqa kilüenä säbäp buluın äytte.
Azıq-tölek bäyäläreneñ yuğarı buluı häm aşlıq belän aşlamağa ireşüdä yäşängän problema näticäsendä Bötendönya säwdä oyışması äğ’zaläreneñ kübeseneñ bu mäs’älägä zur iğ’tibar kürsätüen iskärtep uzuçı Okonjo-Iweala azıq-tölekkä ireşü mömkinlege cähätennän tağın da yaxşıraq wazğıyättä buluların belderde.
BMO süzçese Stefan Dyujarrik ta köndälek matbuğat oçraşuında, bigräk tä may ayında citdi äkrenäyüneñ buluına iğ’tibarnı yünältep: "Qara diñgez aşlıq iniśiativasınıñ ütälüeneñ äkrenäytelüennän borçılabız,” – dip äytte.
