Çilida atnalıq êş waqıtı qısqara

Çili atnalıq êş waqıtın 45 säğat’tän 40 säğat’kä qısqarta.

Çili däwlät başlığı Gabriêl’ Boriç xökümäte tarafınnan parlamentqa täq’dim itelgän häm 14e qarşı, 127 tawış belän qabul itelgän qanun proyektı ildäge atnalıq êş waqıtın 5 yıl êçendä 45 säğat’tän 40 säğat'kä qadär qısqartunı küzdä tota.

Tawışqa quyu xaqında belderü yasağan Çili xezmät ministrı Jannett Djara “Bügen qayberäwlär öçen mömkin tügel dip kürensä dä xezmätkärlärebezneñ tormış sıyfatın yaşırtu öçen adımnar yasarğa mömkin ikänlegen kürdek” dide.

Däwlät başlığı Boriç sośial’ media akkauntında “Atnalıq êş säğaten 40 qa qısqartu kebek yaxşırtularnıñ ğadel häm tulı tormışlı Çiliğa yaqınayu öçen kiräklegenä şiklänmim” dip yazdı.

Yaña qanun nigezendä atnalıq êş waqıtı berençe yılda 44 säğat’kä, öçençe yılda 42 säğat’kä häm bişençe yılda 40 säğat’kä qadär qısqartılaçaq.

Çilida atnalıq êş waqıtı 2005 nçe yılda 48 säğat’tän 45 säğat’kä kimetelgän bulğan.