Suğışta hälaq bulğan Rusiya ğaskärläreneñ ğailälärenä aqçalata yärdäm bireläçk

Rusiya Federaśiyäse däwlät başlığı Vladimir Putin Ukrainadağı suğışta hälaq bulğan Rusiya ğaskärläreneñ ğailälärenä 5 million sum yärdäm kürsätüne küzdä totqan qararğa qul quyğan.

Bu xaqtağı qarar Rusiya däwlät xoquq mäğ’lümatı saytında bastırılğan.

Qarar nigezendä Ukrainadağı maxsus xärbi operaśiya waqıtında ğomerlären yuğaltqan ğaskärlärneñ, êçke êşlär ministrlığı häm Rusiya milli gvardiya äğ’zalarınıñ ğailälärenä ber tapqır 5 million sum (yaqınça 71 meñ 500 dollar) bireläçäk.

Monnan tış cäräxätlängän, travma yäki şok kiçergän keşelärgä 3 million sum (yaqınça 42 meñ 900 dollar) tülänäçäk.

İmzalanğan könnän üz köçenä kergän qarar suğış başlanğannan birle ğomeren yuğaltqan häm yaralanğan ğaskärlärneñ ğailälären üz êçenä ala.