Niderland tikşerenüçese TRTgä söyläde

Rena Netjes 2016nçı yıldan birle Süriyäneñ tön’yağında tikşerenülär ütkärä. Yazğannarı häm söylägännäre arqasında Netjesmeñ häm üzenä häm dä ğailäsenä terror oyışmaları ülem belän yanıy.

“Min mäydanda (Süriyäneñ tön’yağında) bigräk tä Könbatış mediasınnan alğan mäğ’lümatlärdän ayırmalı näticägä ireştem,” – dip äytüçe Netjes: “Bezgä äytelgännär belän Süriyädä min keşelärdän tıñlağannarım bötenläy başqa törle ide. Qaysısı döres ide, monı tikşerergä tiyış idem. 2016nçı yılda täwge tapqır çikne uzıp, Süriyägä kittem, tikşerenülär ütkärdem. Min üz näticäläremne dä äytergä qurıqmadın,” – dip äytte.

Küzätüläre häm mäydanda ütkärgän êşçänlege üzen “PKK/YPG”neñ tämegenä äyländerüenä basım yasawçı Netjes separatist terror oyışmasınıñ Süriyädä basıp alğan töbäktä basım, repressiya rejimın urnaştıruın belderde.

"Süriyäle kördlär “PKK/YPG”ne yaratmıy. Çönki alar bik cäberlilär, alar kontrol’ itkän mäydannıñ 70% külämendä nigezdä ğaräplär yäşi. Ğaräp qabiläläre dä alarnı telämi,” – dip añlatuçı Netjes: “Töbäktän qaçıp kitüçelär barı tik “DEAŞ”tan ğına qaçmadı, alar “PKK/YPG”dän dä qaçtı,” – dip iskärtep uzdı.

“PKK/YPG”neñ tınıç xalıqnı da nişan itep aluın äytüçe Niderland tikşerenüçese:

"(“PKK/YPG”lelärneñ) Könbatıştan alğan şul qadär aqçaları bar, ämma keşelär öçen ber närsä dä tözemädelär. Andağı neft’neñ ber öleşen dä kontrol’ itälär, ämma xalıq fäqıyrlek êçendä. Bik zolımçıl buluların, körd häm süriyäle xalıqqa qarata terror taktikaların qullanuın, ber töbäktä “DEAŞ” belän köräş alıp baruların, ämma Süriyäneñ qalğan öleşendä tınıç xalıqnı nişan itep aluların min äytergä tiyış. Xastaxanäğä, lagerlarğa höcümnär monıñ misalı,” – dip belderde.

Rena Netjes (Süriyäneñ tön’yağında) Türkiyäneñ kontrolendäge töbäklärneñ iñ qurqınıçsız mäydan buluına da basım yasadı.