Vengriya häm Ärmänstan arasında diplomatik mönäsäbätlär

Vengriya tışqı êşlär häm tışqı säwdä ministrı Peter Szijjarto ile belän Ärmänstan arasındağı diplomatik mönäsäbätlärneñ qabat urnaştırıluı mäs’äläsendä kileşügä ireşelüen belderde.

Ministr Szijjarto “Facebook” akkauntınnan urtaqlaşqan yazmasında ike il arasında diplomatik mönäsäbätlärneñ özelüennän 10 yıldan kübräk waqıtnıñ uzuın, fäqät soñğı waqıtta alıp barılğan söyläşülär näticäsendä bu mönäsäbätlärneñ yañadan urnaştırıluı qararına kilenüen iskärtep uzdı.

Vengriya ministrı: "Monnan soñğı adım – ike yaqlı ilçeleklärneñ açıluı”, - dip äytte.

2004nçe yılda "NATOnıñ tınıçlıq öçen urtaqlıq” programması qısalarında Vengriyada qatnaşqan seminarda Azärbaycan bayrağın ayaqlarnıñ astına alğan ber ärmän ofiśerın ütergäne öçen ğomer buyı törmägä utırtılğan Azärbaycan ofiśerı Ramil Säfärov 2012nçe yılda ilenä qaytarılğan häm İlbaşı İlham Äliyıvneñ maxsus qararnamäse belän ğafu itelgän ide.

Ärmänstan Säfärovnıñ qaytarıluı arqasında Vengriya (Macarstan) belän diplomatik mönäsäbätlärne özgän ide.