Tön’yaq Koreya Yapon diñgezenä ballistik raketa cibärde
Tön’yaq Koreyanıñ Yapon diñgezenä taba ike ballistik raketa cibärüe belderelde
Kön’yaq Koreya ğomum ştabı qısqa radiuslı ike ballistik raketanıñ Pxen’yan yanındağı Samsok töbägennän cirle waqıt belän säğät 06.01 häm 06.23tä cibärelüen belderde.
Yaponiya saqlanu ministrı Hamada Yasukazu maksimum berse 350 häm ikençese 800 kilometr biyıklekkä citkän raketalarnıñ Yaponiyanıñ iq’tisadi töbägennän çitkä kilep töşüen äytte.
Raketalar kilep töşkän Yapon diñgezendä xäräkät itkän köymälärdä häm oçqıçlarda zıyannıñ bulmawın iskärtep uzuçı ministr Hamada Tön’yaq Koreyağa protest notasınıñ birelüen belderde.
Sınap qarawnı gäyıpläwçe Yaponiya Baş ministrı Kişida Fumio soñğı waqıtta Pxen’yan citäkçelegeneñ küp sanda terkälgän raketa sınawlarınıñ “hiç qabul itelmäslek” buluına basım yasadı.
Soñğı raketanıñ Amerika Quşma Ştatlarınıñ atom ênergiyası belän êşläwçe “Ronal’d Reygan” isemle aviayörtkeçneñ Kön’yaq Koreya belän urtaq xärbi künegülär öçen töbäkkä qabat kilüennän soñ oçırtıluı iğ’tibarnı cälep itte.
Tön’yaq Koreya soñğı 12 köndä 6nçı sınawın uzdırdı. 4nçe üktäbrdä ballistik raketa 2017nçe yıldan soñ berençe tapqır Yaponiyanıñ tön’yaq-könçığınnan uzıp Tın okeanına kilep töşkän ide.
2022nçe yıl başınnan birle Pxen’yan citäkçelegeneñ, Berläşkän Millätlär Oyışması qararların bozıp, 20dän kübräk törle radiuslarda ballistik raketa sınawın ütkärüe belenä.
