İran: “Totrıqlı kileşü öçen çikläwlär beterelergä tiyış”

İran İlbaşı idaräsennän yasalğan yazmaça belderügä kürä, Räisi Qatar Ämire Şäyex Tämim bin Hamäd Al Sani belän telefonnan söyläşte.

Söyläşü waqıtında soñğı turı Dohada ütkärelgän İran belän atom-töş söyläşüläre mäs’äläse quzğatıldı.

Söyläşülärdä Könbatışlı taraflarnıñ İrannıñ atom-töş programmasına qağılışlı raslawlarına işaräläwçe İbrahim Räisi bu raslawlarnı nigezsez dip bäyäläp: "Söyläşülär belän beryulı İranğa qarşı daimi qabatlanğan gäyıpläwlär häm raslawlar qarşı yaqnıñ söyläşülär barışın säyäsi bularaq naqsat itep aluın häm citdi söyläşülärneñ taläplärenä turı kilmäwen kürsätä”, - dide.

Räisi, ilenä qarşı sankśiyälärneñ xoquqsız häm ber yaqlı buluın belderep: "Totrıqlı kileşü çikläwlärneñ beterelüen häm “nigezsez” gäyıpläwlärdän waz kiçelüen zarur qıla”, - dip iskärtep uzdı.

Qatar Ämire Şäyex Tämim bin Hamäd Al Sani da İrannıñ ilenä kürsätkän yaqlaw öçen Räisigä räxmäten citkerep: "Doha Tährannıñ xoquqların saqlaw häm dialog yulların alğa alıp barudağı totışın häm bigräk tä ike yaqlı mönäsäbätlärne häm xezmättäşlekne köçäytü iradäsen xuplıy”, - dip äytte.