Bötendönya säwdä oyışması konferenśiyäsendä kileşügä ireşelde
Bötendönya säwdä oyışmasına äğ’za illär Şveyśariyanıñ Jeneva şähärendäge 12nçe ministrlar konferenśiyäsendä reforma mäs’älälärendä kileşügä ireşte
Yomğaqlaw utırışınnan soñ oyıştırılğan matbuğat oçraşuında çığış yasawçı Bötendönya säwdä oyışması Ğomum direktorı Ngozi Okonjo-Iweala, qatnaşuçı ministrlarnıñ moña qadär berqayçan da kürenmägän kileşülärgä ireşüen belderep: "Bötendönya säwdä oyışması ozaq waqıttan birle bu qadär möhim külämdä häm küp yaqlı näticälärgä şahit bulmağan ide”, - dide.
Bötendönya säwdä oyışmasınıñ saytında urnaştırılğan 12nçe ministrlar konferenśiyäse näticäläre dokumentına kürä, qatnaşuçı äğ’zalär çiktän tış küp balıq totunı buldırmaw öçen 20 yıldan artıq söyläşüläre alıp barılğan balıqçı subsidiyäläreneñ azaytıluı mäs’äläsendä kileşte.
Äğ’za illär ayıruça yaña tör koronavirus (Kovid-19) vakśinalarına global’ mäydanda tigez ireşelüe öçen vakśinalarnıñ patent xoquqlarınnan waqıtlıça waz kiçelüendä dä kileşügä ireşte.
Azıq-tölek iminsezlege belän köräş öçen kiräkle çaralarnıñ kürelüe, säwdä êşlänmäläreneñ êlektron taşuda tamğaxanä salımı burıçlarınıñ tağın 2 yılğa kiçekterelüe häm bulaçaq global’ kizülär belän köräş xezmättäşlege dä kileşügä ireşelgän mäs’älälär arasında.
