Hindstan häm Paqıstanda çiktän tış êsseleklär kötelä
Belgeçlär älege regiondağı +50 gradustan artıp kitüçe cılılıqqa klimat üzgärüne säbäp itep kürsätä
1828964
Klimat üzgärü Hindstannıñ tön’yaq-könbatışı belän Paqıstanda rekord êsseleklär ixtimalın 100 tapqır arttırdı.
BBCdä urın alğan xäbärgä qarağanda, Böyekbritaniyäneñ milli meteoxezmäte uzdırğan ber tikşerenü älege ike ildä hawa temperaturasınıñ üsäçägen kürsätä.
Êşçänlektä regionnıñ här 3 yılda ber 2010nçı yılda kürelgän rekord cılılıqlar däräcäsennän yuğarıraq êsse hawa dulqını belän oçraşa aluına basım yasala. Klimat üzgärü monıñ ixtimalın 100 tapqır arttırdı. Ägär global’ cılınu prośessı bulmasa, regionda +50 gradustan da yuğarıraq êsseleklär här 312 yılda ber genä küreler ide.
Tikşerenüdä ğasır axırına qadär Hindstan häm Paqıstanda här yıl diyärlek çiktän tış cılılıq kötelä aluı citkerelde.
