"Afrika qıytğasında Kovid-19 oçraqları kimede"
Bu xaqta Bötendön’ya sälamätlek saqlaw oyışmasınıñ Afrika direktorı citkerde
1812534
Bötendön’ya sälamätlek saqlaw oyışması beldergänçä Afrika qıytğasında koronavirus oçraqlarındağı artış soñğı 16 atnada kimede.
Bötendön’ya sälamätlek saqlaw oyışmasınıñ Afrika direktorı, tabib Matşidiso Moêti atnalıq matbuğat oçraşuında açıqlaw yasap, Kovid-19 kizüe başlanğannan bügengä qadär awıru oçraqlarında iñ ozın waqıtlı tübänäyüneñ kürelüen citkerde.
Moêti citkergänçä soñğı 8 atnada kizü arqasında ülemnär dä azaydı.
“Virus haman da cäyelä. Yaña mutantlar çığa. Çaralar kürü, vakŝina yasatu zarur,” –dide ul.
Kovid-19 mäğlümatları urın alğan “Worldometers” säxifäsenä kürä Afrikada virus arqasında ğomere özelüçelär sanı 253 meñ 358 buldı.
Qıytğada awıru oçrağı – 11 million 816 331, sawığuçılar sanı isä – 11 million 53 058.
