Slovakiya Rusiyä gazın rubl’ belän alaçaq

Slovakiyaneñ İqtisad ministrı Riçard Sulik ileneñ gaz ağımın däwam itterü öçen kiräk oçraqta Rusiyä gazın rubl’ belän alaçağın äytte.

Sulik milli televideniyeda açıqlaw yasap: “Rubl’ belän tüläw şartı bar ikän, ul waqıtta rubl’ belän tülärbez,” – dide.

Rus importınıñ Slovakiyadağı gaz taläbeneñ 85%ın täşkil itüen häm şunıñ öçen il räsmi zatlarınıñ bu mäs’älädä pragmatik qalaçağın assızıqladı.

Awrupanı urtaq çişeleşkä çaqırğan Sulik: “Gazdan quba almıybız,” – dide.

Slovakiya iqtisad ministrı qalğan qayber Awrupalı säyäsätçelär belän bergä gaz belän täêmin itüçelärne törländerü zarurlığın läkin monıñ yıllarğa suzıla alaçağın, üzläreneñ isä sıyıq yağulıq alu belän bäyle problemanı 2 ayda çişä alaçağın belderde.