Ğazzädäge waqıyğalar

İzrailneñ Ğazzä sızığına höcümnäre tuqtamıy. Ul Buräys möhacir lagerın utqa tottı. Anda ülüçe häm yaralanuçılarnıñ barlığı bilgele, tögäl san älegä açıqlanmadı.

İzrail armiyäse Räfax şähärenä dä höcüm itte. Ber öygä töşkän raketa 6 fälästinleneñ ğomeren özde, berse - bäbäy. Tel äl-Soltan mäxälläsenä höcümdä isä 5 keşedän toruçı tulı ğailä hälaq buldı.  

İzrail qamalaşındağı Ğazzä sızığına hawadan gumanitar yärdäm kiterü êşçänlekläre däwam itä. Fälästinlelär töp ixtıyacların alu öçen, bombalar yawuğa qaramastan, yärdämnärgä ireşergä tırışa.

Amerika Quşma Ştatlarınıñ däwlät särqatibe Êntoni Blinken regionğa tağın ber säfär yasarğa uylıy. 29nçı-30nçı aprel’ könnärendä anıñ Soğud Ğaräbstanına kilüe kötelä. Blinken anda Ğazzädä utnı tuqtatu häm äsirlärne irekkä çığaru mäs’älälären qarayaçaq. Monnan tış, gumanitar yärdäm kertü turında da süz bulaçaq.