BMO:"Ukrainada üterelgӓn hӓm cӓrӓxӓtlӓngӓn tınıç xalıq sanı 1000 nӓn arttı"
Bu xaqta ğomum BMO sӓrqӓtip süzçese Stefan Dujarrik belderde
24 nçe fevral’dӓn birle Ukrainada üterelgӓn hӓm cӓrӓxӓtlӓngӓn tınıç xalıq sanı 1000 nӓn arttı.
Berlӓşkӓn Millӓtlӓr Oyışmasınıñ ğomum sӓrqӓtip süzçese Stefan Dujarrik köndӓlek matbuğat brifingında Rusiyӓneñ Ukrainağa höcümnӓrendӓ tınıç xalıqtan 331 keşeneñ ğomere özelüen ӓytte.
Dujarrik beldergӓnçӓ, 24 nçe fevral’dӓn 3 nçe martqa qadӓr ӓlege höcümnӓrdӓ üterelgӓn hӓm yaralanğan tınıç xalıq sanı 1 meñ 6 ğa citte. Şul uq waqıtta 1 million 200 meñnӓn artıq keşe ilennӓn kitte.
Fӓqӓt’, Ukraina rӓsmilӓre ӓytüençӓ, ülüçelӓr sanı 2 meñnӓn artıq.
Dujarrik Rusiya belӓn Ukraina arasında tınıç xalıq öçen qurqınıçsız koridor buldıru turındağı kileşüne xuplawların belderep, Ukrainanıñ küp şӓhӓrlӓrendӓ berniçӓ kön dӓwam itkӓn bombalaw arqasında asqormağa zur zıyan kilgӓnen ӓytte.
Berlӓşkӓn Millӓtlӓr Oyışması ğomum sӓrqӓtip süzçese Stefan Dujarrik bankomatlarda aqça qalmağanın hӓm ildӓ aqça küçerüdӓ özekleklӓr buluın da iskӓrtte.
