Vladimir Putin Qıtayğa säfär yasıy

Rusiyä däwlät başlığı Vladimir Putin Qıtayğa räsmi säfär yasayaçaq.

Putin Qıtay liderı Si Śzin’pinnıñ çaqıruı belän 16 häm 17 may könne bu ilgä baraçaq.

Liderlar söyläşüdä kiñ qırlı partnyerlık häm strategik üzara bäyläneşkä qarağan barlıq mäs’älälärne centekle räweştä söyläşäçäk.

Söyläşüdä şulay uq Rusiyä-Qıtay arasındağı praktik xezmättäşlekneñ tağın da üsterelüe öçen töp yünäleşlär bilgelänäçäk. Könüzäk xalıqara häm regional’ mäs’älälär xaqında fiker alışu bulaçaq.

Söyläşülär näticäsendä däwlät başlıqlarınıñ urtaq belderü yasawları häm qayber ike yaqlı dokumentlarnıñ imzalanuı planlaştırıla.

Putin häm Si ike il arasında diplomatik mönäsäbätlärneñ qorıluı, Rusiyä häm Qıtay mädäniyät yılları açılışınıñ 75 yıllığı uñayınnan oyıştırılaçaq kiçädä dä qatnaşaçaq.

Vladimir Putinnıñ Li Śyan belän dä küreşep söyläşüe kötelä.

Xarbin şähärenä dä baraçaq Vladimir Putin biredä 8nçe Rusiyä-Qıtay EXPOsınıñ häm 4nçe Rusiyä-Qıtay töbäklärara xezmättäşlek forumınıñ açılış tantanasında qatnaşaçaq.