Rusiyä üz hawa kiñleklären yaba
Pol’şa, Çexiyä häm Bolgariyä oçqıçlarına Rusiyä östennän oçu tıyıldı
1786105
Rusiyä hawa kiñleklären Pol’şa, Çexiyä häm Bolgariyä oçqıçları öçen öleşçä yabuın citkerde.
Rusiyä federal’ hawa transportı agentlığı beldergänçä, älege däwlätlärneñ aviaśiya idaräläre Rusiyä oçqıçlarına qarata dustanä bulmağan qararlar çığardı. Belderüdä bu qararlarğa cawap bularaq törle adımnar yasalaçağı citkerelä.
“26 fevral’dän başlap Pol’şa, Çexiyä häm Bolgariyä oçqıçları, tranzitlarnı da kertep, Rusiyä östennän oçışlarnı barı maxsus röxsät nigezendä başqara alaçaq,”-diyelä belderüdä.
Älege illär üz hawa kiñleklären Rusiyä öçen yabu qararı çığarğan ide.
