Xorvatiya Baş ministrı Ukrainadan ğafu ütende

Plenkovic matbuğatqa yasağan belderüendä: "Milanovicnıñ: “Ukraina belän Rusiyä arasındağı kiyerenkelek artqan oçraqta xorvat xärbilären kire çigenderäbez” comläse çınbarlıqnı çağıldırmıy. Belüemçä, bezneñ Ukrainada ğaskärilärebez bolay da yuq. Pol’şada bulğan xärbilärebez dä uzğan könnärdä kire qayttı”, - dip äytte.

Milanovicnıñ süzlärenä reakśiya bularaq Plenkovic: "İlbaşı Milanovic çınbarlıqnı çağıldırmawçı qayber açıqlawlar yasadı. Bu açıqlawlarnıñ Zagrebnıñ räsmi säyäsäte belän hiç bäyläneşe bula almıy. Milanovicnıñ “Ukraina artta qalğan il” digän açıqlawı arqasında Ukrainadan ğafu ütenäm”, - dip belderde.

Ukrainanıñ Awrupa Berlegennän yärdäm almawı turındağı açıqlawlarnıñ da döres bulmawın citkerüçe Plenkovic Awrupa Berlegeneñ xäzergä qadär Ukrainağa 17 milliard yevro külämendä grant häm kredit birüen äytte.

Milanovicnıñ çığışın äyterseñ Rusiyäle räsmi ber zatnıñ söyläwe kebek qabul itüen belderüçe Plenkovic: "İlbaşı Milanovic üzenä kürä diabet komasında bulğan kebek ide”, - dip bäyäläde.

Xorvatiya İlbaşı Milanovic Ukraina belän Rusiyä arasındağı bäreleşlär artqan oçraqta xorvat armiyasınıñ böten äğ’zalären kire çigäçägen äytkän ide.

Ukrainanıñ NATOda urını bulmawın äytüçe Milanovic: "Ukraina iq’tisadi bularaq alğa kitä almıy. Awrupa Berlegennän dä bernindi yärdäm ala almıy. İl iñ artta qalğan illär arasına kerde”, - dip beldergän ide.