Angliyä Ukrainadağı ilçelek xezmätkärlären öyenä qaytara başladı
Bu qarar Rusiyädän yanaw artu säbäple çığarıla
Angliya Rusiyäneñ Ukrainağa qarşı suğış başlayaçağınnan qurqıp Kiyev ilçelegendäge xezmätkärlären qaytara başladı.
Ministrlıqtan yasalğan belderüdä “Rusiyädän yanaw artu säbäple qayber ilçelek xezmätkärläre häm ğailäläre Kiyevtan kitä” diyelä.
Şul uq waqıtta, Angliyäneñ Ukrainadağı ilçelege açıq qala häm töp êşçänlegen alıp baruın däwam itä.
Belderüdä Böyekbritaniyä watandaşlarına Doneśk, Lugansk häm Qırımğa säyäxät itmäskä, Ukrainanıñ başqa cirlärenä dä mäcbür bulmağanda barmasqa kiñäş itelä.
Bu qarar Amerika Quşma Ştatlarınıñ Kiyev ilçelegendäge xezmätkärläreneñ ğailälärenä Ukrainadan kitü kürsätmäse birelgännän soñ çığarıldı.
Angliyä tışqı êşlär ministrlığı 23nçe ğıynvardağı belderüendä Rusiyäneñ Ukrainada üze yaqlı xakimiyät qorırğa planlaştıruı açıqlanuın citkerde.
Süz uñayınnan, Angliyä Ukrainağa tanklarğa qarşı qoral cibärde.
