Kumbre - V’yexa - utraw tarixında  iň ozaq waqıt aktiv qalğan vulkan

İspaniyäneñ kön’yaq-könbatışında Kanar utrawları törkemendäge La Pal’mada 85 kön aktiv bulğan  Kumbre - V’yexa yanartawı  utraw tarixında xäzergä qadär  iň ozaq waqıt aktiv qalğan yanartaw bularaq terkälde.

Awrupa Berlege iyärçen observatoriyäse programması  Kopernikus mäğ’lümatlarına qarağanda, yanartawdan çıqqan lavalar 85 köndä  2 meñ 896 toraq binanı yuq itte, 150 binağa  öleşçä zarar birde.

Kumbre - V’yexa xäzergä qadar 28 meň Olimpiya basseynın tulısınça tutıraçaq külämdä 94 million kub metrdan artıq lava atıp çığardı.

Lavalar cirlektäge 1182 gektar mäydannı qapladı, diñgezgä aqqan urında 48 gektar mäydanlı platforma barlıqqa kiterde.

Töbäktä 6 meňgä yaqın keşene êvakuaśiyälädelär, vulkan utraw iq’tisadına 840 million yevrodan  kübräk zıyan kiterde.

Belgeçlär yanartawnıň yıl axırına qadär sünäçägen farazlıylar.