İke başlı taşbaqa

Amerika Quşma Ştatlarında tıyulıqtağı ürçü mäydanında tuğan ike başlı häm 6 ayaqlı taşbaqa küzätü astına alındı. İke atna däwamında anıñ aşaw-êçüe häm xäräkätläreneñ ğadäti buluı kürengän.

Taşbaqa tuğan Barnsteybl tıyulığı AQŞnıñ könçığış yarlarında urnaşqan. Xezmätkärlär anı xastaxanädä küzätü astına alıp tuqlanu häm yäşäw räweşen tikşerä. Älegä qadär rentgen nurları belän uzdırılğan küzätüdä taşbaqanıñ bil astında berläşüçe ike ayırım umırtqası buluı häm ayaqlarınıñ törle baş miläre tarafınnan idarä itelüe kürende. Xäzer anıñ aşqazanı häm êçäk kanallarınıñ ni räweşle üsüe tikşerelä.  

Taşbaqa yözä häm xäräkät itä. Ul yomırqa sarısı belän tuqlana. Aşağanın êşkärtä ala. Anıñ könnän-kön awırlaşuı kürenä.

Xaywannar arasında ike başlı bularaq tuu siräk oçrıy. Monıñ genetik taypılıştan bigräk ana qarınında yalğış üseş näticäse buluı uylanıla.

İke başlı xaywannar, ğadättä, ozın ğomerle bulmıy.