”Qabuldan kitü minem tormışımdağı iň awır qarar ide”
Äfganstannıň êlekke ilbaşı Äşräf Gani üz xalqınnan ğafu ütende
1705118
Talibannıň Äfganstanda kontrol’ne üz qulına aluınnan soň ildän kitkän häm Berläşkän Ğaräp Ämirleklärenä sıyınğan Äfganstannıň êlekke ilbaşı Äşräf Gani üz xalqınnan ğafu ütende.
”Qabuldan kitü minem tormışımdağı iň awır qarar ide” dip yazdı ul tvitter akkauntında.
Gani 1990 nçı yıllardağı watandaşlar suğışı waqıtında şähärdä bulğan suğış moxite qabatlanmasın öçen ildän kitüen äytte.
Ul üz xalqın taşlarğa telämäwen, läkin ildän kitüdän başqa çarası yuqlığın belderde.
15 nçe avgustta ildän kitkän öçen Äfganstan säyäsätçeläreneň tänqit’lärenä duçar bulğan 72 yäş’lek Äşräf Gani üzeneň Qabuldan kitüenä säbäp bulğan waqıyğalarnı açıqlayaçağın da äytte.
