Koronavirustan ber gen saqlıy

Koronavirus êläktergän, ämma awırtu bilgeläre kürenmägän keşelärdä ber gennıñ 3 tapqır kübräk buluı açıqlandı. Tikşerenüne Angliyäneñ N’yukasl universitetı ğalimnäre citäkçelegendäge fänni törkem uzdıra. Alar Kovid-19 yoqtırğan qayber keşelärneñ nişläp çirlämäwen açıqlawçı genetik bäyläneşneñ täwge dälilen tabuın belderde. Älege gen "HLA-DRB1*04:01" dip atala. Ul koronavirusnı simptomsız kiçerüçe keşelärdä 3 tapqır artıq bulıp çıqqan. Bu genga iyä buluçılar bilgele ber däräcägä qadär Kovid-19dan saqlana ala.

N’yukasl universitetınnan belgeç Karlos Êçevarriya bu tikşerenüneñ kiläçäktä vakśina qadawda kemgä östenlek birelergä kiräklegen kürsätüçe genetik test buldırunı täêmin itäçägen äytä. Ul awıru bilgeläre kürenmägän keşelärneñ dä virusnı tarata aluın assızıqladı.