Zelenskiy Bayden belän küreşergä äzer

Ukraina däwlät başlığı Vladimir Zelenskiy Amerikan xäbär säxifäse Axioska interv’yu birde.  

AQŞnıñ Tön’yaq Ağım2 proyektına çikläwlärne beterü qararına ğacäplänülären äytkän Zelenskiy Bayden belän aprel’ ayında ütkärgän telefon söyläşüendä başqa törle işarät aluın xäterlätte.

Zelenskiy AQŞnıñ proyektnı tuqtata alaçaq berdänber köç buluına ışanuın, proyektnıñ barı tik Awrupanıñ iminlege genä tügel, ä AQŞ öçen dä yanaw buluın añlattı.

Rusiyä mäs’äläsen yaxşı belülären assızıqlağan Ukraina ilbaşı şunıñ öçen söyläşü ütkärüneñ möhim buluın citkerde.

“Ukraina Töp qanunınıñ garantı bularaq här mizgeldä oçqıçqa utırıp, Ukrainanı yaqlarğa äzer min. Putin belän söyläşüe aldınnan anıñ belän küreşep, barlıq neçkäleklärne söyläşergä äzermen,” – dide ul.