Saylaw kampaniyäsen tabut belän başladı
Meksikada ber säyäsätçe çığış yasarğa tabutta kilä
1616748
Meksikada deputatlıqqa kandidat Karlos Mayorga saylaw kampaniyäsen üzençälekle räweştä başlap cibärde. Ul Texas çigendäge ber küperdä çara oyıştıra häm cıyıluçılar qarşına altın töstäge tabuttan çığa. Säyäsätçe şulay itep ildäge koronavirus kizüennän ülüçelär häm oyışqan cinayät’çel törkemnär qulınnan hälaq buluçılarnıñ küplegenä iğ’tibar cälep itärgä isäpli. Anıñ fikerençä, citäkçelek älege mäs’älälärgä küz yoma.
Räsmi sannarğa qarağanda, Meksika xökümäteneñ 2006nçı yılda narkobiznesqa qarşı başlağan köräşendä älegä qadär 300 meñnän artıq keşe ülde. İldä koronavirus arqasında ğomere özelüçelär isä 200 meñnän kübräk.