Yaponiya möselmannarğa yärdäm itä

Yaponiya arakanlı möselman (Roxin’ya) möhacirlärneñ azıq-tölek häm sälamätlek ixtiyacların qanäğat’länderü öçen 19 million dollar külämendä aşığıç yärdäm bülep biräçäk.

İlneñ tışqı êşlär ministrlığınnan belderülärençä, M’yanmanıñ Arakan töbägendäge basım häm zolımnan qaçqan keşelärgä finans yaqtan bulışaçaqlar. Yaponiyä yärdämne Qızılxac xalıqara komitetı, Bötendön’ya azıq-tölek programması häm Xalıqara migraśiyä oyışması aradaşçılığı belän yasayaçaq.  

Grant nigezendä M’yanma häm Bangladeştağı 58 xastaxanä häm mediśina ob’yektı cihazlar belän täêmin iteläçäk. İldäge 600 meñ keşegä isä azıq-tölek yärdäme bireläçäk.

BMO mäğ’lümatlarına qarağanda, 2017nçe yılnıñ avgustınnan soñ Arakandağı basım häm zolımnan qaçıp Bangladeşqa sıyınuçılarnıñ sanı 900 meñgä citte.