Tramp Qıtay däwlät başlığı belän söyläşte
Söyläşü koronavirus belän köräş häm aralarnı yaqınaytu turında bara
1386228
AQŞ ilbaşı Donal’d Tramp belän Qıtay däwläte başlığı Si Śzin’pin telefon aşa koronavirus kizüe turında söyläşte.
Tramp soñınnan Twitterda älege fiker alışu turında “bik yaxşı” dip yazdı häm Qıtaynıñ Kovid-19 belän köräşenä qarata ixtiram toyuın belderde.
AQŞ ilbaşı kizüne çikläw öçen Qıtay belän xezmättäşlek itülären dä citkerde.
Şinxua agentlığınıñ xäbärenä qarağanda, Si Śzin’pin söyläşüdä AQŞnı ikeyaqlı mönäsäbätlärne üsterü öçen nıqlı adımnar yasarğa çaqırğan.
Qıtay däwlät başlığı ike ilneñ kizüne kontrol’ astına alu häm başqa mäydannarda xezmättäşlekne arttıruınıñ, ber-bersenä xörmät häm ike yaqnıñ da qazanuına nigezlängän mönäsäbätlärne üsterüneñ ähämiyäten citkerä.