Kamerunda säwdägärlärgä höcüm

Kamerunnıñ Nigeriyä çigenä yaqın cirlegendä bazarçılarğa yasalğan höcümdä, berençel mäğ’lümatlar buyınça, 12 keşeneñ ğomere özelde.

Cirle matbuğat çaralarındağı xäbärlärgä qarağanda, kamerunlı säwdägärlär Nigeriyäneñ Gambaru şähärendäge bazardan qaytıp barğanda Äl Beyg küpere öztendä höcümgä duçar bula. Anıñ niçek yasaluı turında mäğ’lümat yuq.

İminlek saqçıları höcümdä kimendä 12 keşeneñ hälaq buluın, 26sınıñ yaralanuın xäbär itä. Çığanaqlarğa qarağanda, ülüçelärneñ sanı artırğa mömkin.

Höcümne Boko Xaram oyışması yasağan.