Liśeyda qorallı höcüm

Amerika Quşma Ştatlarınıñ Kaliforniya ştatındağı ber mӓktӓpkӓ qorallı höcüm oyıştırıldı.

Waqiğada 2 uquçınıñ ğomere özelde, höcümçe belӓn bergӓ 4 keşe yaralandı.

Höcüm Los Andjelesnıñ 48 çaqrım tön’yaq könbatışındağı 200 meñ keşe yӓşӓgӓn Santa Klarita şӓhӓrendӓ urnaşqan Saugus liśeyenda barlıqqa kilde.

İminlek rӓsmi zatı höcümneñ irtӓnge sӓgӓt’lӓrdӓ oyıştırıluın hӓm aşığıç yӓrdӓm çaqıruın alğannan 2 minuttan soñ waqiğa urınına kilep citülӓren ӓytep: “Lӓkin mӓktӓpkӓ kilgӓndӓ 6 uquçı yaralanğan ide,” – dide.

Yaralanuçılarnıñ 14-16 yӓş’lӓrdӓge uquçılar buluın citkergӓn rӓsmi zat 16 yӓş’lek qız-balanıñ hӓm 14 yӓş’lek ir-balanıñ yaqtı dön’yadan kitüen ӓytte.

İminlek rӓsmi zatı beldergӓnçӓ mӓktӓptӓge kamerada höcümçeneñ ryukzaktan qoralın alıp, 5 keşegӓ ut açuı, soñınnan üzenӓ qul salırğa tırışuı kürenӓ.

İseme açıqlanmağan hӓm şul mӓktӓptӓ belem aluı belderelgӓn 16 yӓş’lek höcümçe dӓ qalğan yaralanuçılar belӓn xastaxanӓgӓ salındı, lӓkin awır xӓldӓ buluı belderelde.