Germaniyädä êsselektän kül kipte

Germaniyäneñ Burgvedel’ küle ğadättän tış êsselek arqasında kipte. Bu Awrupanı bıyıl biläp alğan yuğarı temperaturanıñ näticäse.

Älege kül Gannover şähärennän 30 çaqrım yıraqlıqta ğına. Ul tulısınça kibep betkän. Andağı balıqlar ülgän.

Germaniyä üz tarixındağı iñ êsse könnärne kiçerde. Termometrlar +42,6 gradusnı kürsätte.

Êsselek dulqını bıyıl Awrupağa ike tapqır bärde. Berse - iyün’dä bulğan ide.

Meteorologlar fikerençä, êsselär kiläse yıllarda tağın da yışraq häm köçleräk räweştä qabatlanaçaq.