Animaśiyä studiyäsendä yanğın
Yaponiyäneñ tanılğan studiyäsendä yanğın
1237776
Yaponiyäneñ Kyoto töbägendä animaśiyä studiyäsendä yanğın çıqtı. Poliśiyä beldergänçä, 3 qatlı binağa ber keşe yanuçı matdä tügep ut törtkän.
Yanğında, berençel mäğ’lümatlar buyınça, 23 keşeneñ ğomere özelgän, yaqınça 36 keşe yaralanğan. Ut törtüçe üze dä yaralılar arasında. Anıñ 41 yäşendä buluın belderälär. Poliśiyä waqıyğa urınında pıçaqlar da tapqan.
Yanğın çıqqan mizgeldä binada yaqınça 70 keşe bulğan. Waqıyğa şahitläre şartlaw tawışı işetülären häm soñınnan qara töten çığuın kürülären belderä.