“Tramp belän küreşergä äzermen”
Bu xaqta Rusiya Federaśiyäse däwlät başlığı Vladimir Putin beldergän
Rusiya Federaśiyäse däwlät başlığı Vladimir Putin Amerika Quşma Ştatları ilbaşı Donal’d Tramp belän küreşergä äzer buluın ,fäqät’ AQŞtağı saylaw kampaniyası barışınıñ mönäsäbätlärne butalçıq xälgä kiterä alaçağın beldergän.
Putin: “Dialog härwaqıt yaxşı. Amerika yağı da qızıqsınu kürsätsä bez dialog öçen äzerbez”,-digän.
Putin ike ilneñ urtağa salıp söyläşerlek küp mäs’äläse buluın assızıqlağan.
Amerika Quşma Ştatları ilbaşı Tramp êlegräk yasağan belderüendä bu ay Yaponiyada uzaçaq G-20 sammitında Putin belän küreşüne kötüen citkergän ide.
Rusiya Federaśiyäse däwlät başlığı Vladimir Putin isä uzğan atnada yasağan belderüendä “Mantıyqnıñ ciñäçägenä ışanam. Bez amerikalı partnyerlarnı da kertep barlıq partnyerlarıbız belän G-20 sammitı qısasında faydalı qararlarğa ireşä aluıbızğa ,iq’tisad tarmağında xezmättäşlek öçen kiräkle totrıqlı şartlar tudıra aluıbızğa ömetlänäbez” dip beldergän ide.