Argentinada höcümgä duçar bulğan deputat ülde

Argentinada 9nçı mayda Milli kongress tiräsendä qorallı höcümgä duçar bulğan xalıq ışanıçlısı Gektor Olivares ülde.

Buênos-Ayres şähäre sälamätlek saqlaw idaräsennän yasalğan belderügä qarağanda, pänceşämbe könne bulğan höcümnän soñ ul xastaxanädä däwalaw astında bulğan. Yädrälär anıñ êçenä turı kilgän häm êçke organnarına zur zarar kitergän. 61 yäşendäge xalıq ışanıçlısı kiçä wafat bula.

Radikal’ grajdannar berlek partiyäseneñ Twitter xisabında bolay dip yazıla: “Gektor Olivaresnın ğomere özelde. Zur borçılu belän ğailäse häm söygännäreneñ qayğısın urtaqlaşabız. Ğadellek telibez häm üterüçelärneñ qatı cäza aluın taläp itäbez”.

Olivares belän bergä yöreşkä çıqqan kiñäşçese Migel’ Yadon da älege höcümdä yaralanıp ülgän ide.  

Şöbhälelär qulğa alındı. Höcümneñ säyäsi tügel, şäxsi säbäplärdän yasaluı belderelde.