56 million keşe azıq-tölek yärdämenä moxtac
Bu xaqta Bötendönya azıq-tölek programması belän BMOnıñ azıq-tölek häm igençelek oyışması xisabında belderelä
Bötendönya azıq-tölek programması belän BMOnıñ azıq-tölek häm igençelek oyışması xisabına kürä suğış häm bäreleşlär küzätelgän 8 ildä azıq-tölek qıtlığı artqan, 56 million keşe aşığıç räweştä yärdämgä moxtac.
Xisaptan kürengänçä, Äfganstan ,Urta Afrika Cömhüriyäte,Kongo Demokratik Cömhüriyäte,Könyaq Sudan häm Yämändä uzğan yıl bäreleşlär säbäbe belän azıq-tölek qıtlığı artqan.
Älege 5 il belän bergä Süriyä, Somali häm Çad küle töbägendä yaqınça 56 million keşe azıq-tölek yärdämenä moxtac.
Ozaq däwam itkän suğışlarnıñ artuı moñarçı kürelmägän açlıq häm qıtlıqqa säbäp bula.
Xisapta humanitar yärdäm xezmätkärlärenä qarata qırıslıqnıñ artuı ,yärdäm oyışmalarınıñ êşçänleklären tuqtatıp torırğa mäcbür buluına da basım yasala.
Älege xisapta Yämändä dönyanıñ iñ zur humanitar krizisı küzätelüe dä citkerelä.
