Liviyäneñ tışqı êşlär ministrlığı binasına höcüm
Höcümçelärneñ DEAŞlı buluı farazlana
1113505
Liviyäneñ başqalası Tripolida tışqı êşlär ministrlığı binasına yasalğan höcümdä 3 keşeneñ ğomere özelde. Milli kileşü xökümätenä bäyle sälamätlek saqlaw ministrlığınıñ Feysbuk säxifäsennän yasalğan belderüdä äytelgänçä, waqıyğada tağın 9 keşe yaralandı.
DEAŞ terrorçı oyışması äğ’zaları buluı farazlanuçı qorallı törkem ministrlıq binasına kerep tirä-yün’gä ut açqan. Soñınnan alar öslärenä berketelgän bombalarnı şartlatqan.
Waqıyğa urınına kilgän iminlek köçläre ministrlıqqa kerüçe barlıq yullarnı yaba.
Höcüm yasalğan waqıtta tışqı êşlär ministrı Möxämmät ät-Tahir Säyyale binada bulmağan, êşlekle säfärgä çıqqan.
