Kolumbiyäneñ Fälästin belän bäyle qararı

Kolumbiyä ilbaşı İvan Duke üzennän alda idarä itkän däwlät başlığı Xuan Manuêl’ Santos çorında alınğan “Fälästinne bäysez il bularaq tanu qararı”nnan kire qaytmayaçaqların belderde.

İvan Duke, ber radiotapşıruda qatnaşıp, sorawlarğa cawap birde. Anda êlekkege ilbaşı Xuan Manuêl’ Santosnıñ wazıyfası betügä az waqıt qalğaç alğan qararı turında da süz buldı. Duke: “Bu kire qaytuı bulmağan qarar,”-dip cawap birde.

Ul Kolumbiyä töp qanunınıñ däwlät başlıqlarına tışqı säyäsättä ilne wäkillek itü xoquqı birelüen xäterlätte. Duke Nobel’ tınıçlıq büläge iyäse Santosnıñ qararnı iğ’lan itkänçe bu mäs’älädä üze belän söyläşüen belderde.    

Xuan Manuêl’ Santosnıñ ilbaşı wazıyfası 7nçe avgustta tögällände. Qararın ul 3nçe avgustta imzaladı. Anıñ belän Kolumbiyä Fälästinne bäysez häm suveren däwlät bularaq tanıdı. Ul älegä qadär monı tanımağan berdänber Latin Amerikası ile ide.

Fälästin üzeneñ bäysezlegen 1988nçe yılnıñ 15nçe noyabrendä iğ’lan itte.