Rusiyä xärbi oçqıçları İdlibta

Üzäge Angliyada urnaşqan Süriyä keşe xoquqları küzätüxanäse Rusiyä oçqıçlarınıñ 22 könlek aradan soñ şähärne bombalıy başlawın xäbär itte.

Rusiyä İdlib töbägenä operaśiya äzerlegen yasawçı Süriyä rejimına yärdäm itä.

Oppoziśiyanıñ soñğı nığıtması bulğan İdlibta häm tirä-yağında tınıç xalıqtan 3 million keşe yäşi.

Berläşkän Millätlär Oyışması İdlibkä buluı mömkin xäräkätneñ 250 meñ belän 700 meñ keşene üz cirlärennän küçep kitärgä mäcbür itäçägen kisätä.