"Xärbi operaśiya çişeleş tügel"
Bu turıda BMOnıñ Süriyӓgӓ humanitar yӓrdӓm koordinatorı belderde
BMOnıñ Süriyӓgӓ humanitar yӓrdӓm koordinatorı Panos Moumtzis Süriyӓdӓ İdlib hӓm tirӓ-yağında ixtimallı xӓrbi operaśiyaneñ kim digӓndӓ 3 million ğayepsez keşe tormışın qurqınıç astına quyaçağın iskӓrtte.
Moumtzis yasağan yazma açıqlawında İdlib hӓm Xӓlebtӓ atna azağında tınıç xalıq hӓm asqorımanı maqsat itep alğan hӓm kübese bala-çağa hӓm xatın-qız bulğan kim digӓndӓ 116 ğayepsez keşeneñ yaqtı dönyadan kitüenӓ sӓbӓpçe bulğan qurqınıç höcümnӓrne ğayeplӓde.
Panos: “İdlib hӓm tirӓ-yağında Süriyӓneñ qalğan töbӓklӓrendӓ barlıqqa kilgӓnnӓrgӓ oxşağan xӓrbi operaśiya barı tik 3 millionnan artıq keşe tormışın qurqınıç astına quyu belӓn qalmas, humanitar yӓrdӓmnӓrneñ ireşterelüenӓ dӓ tӓêsir itӓr,” – dide.
Tınıç xalıqnı maqsat itep almaw zarurlığın assızıqlağan koordinatör Süriyӓdӓ barlıq taraflarnı hӓm taraflar östendӓ tӓêsire buluçılarnı tınıçlıq yaqlı, çınlıqçı hӓm kiñ qırlı çişeleşkӓ çaqırdı.
