Tramp Putin belän oçräşuda qaysı mäs’älälrne kütäräçäk?

AQŞ ilbaşı Donal’d Tramp Rusiyä däwlät başlığı Vladimir Putin belän bulaçaq oçraşuda qaysı temalarnı kütäräçägen söyläde. Ul Vaşingtonnan N’yu Djersiğa kiteşli oçqıçta jurnalistlarnıñ sorawlarına cawap birde.

Sammitnıñ kiläse ayda Finlyandiya başqalası Xel’sinkida ütüe kötelä. Tramp anda Rusiyäneñ AQŞta 2016nçı yılda uzğan saylawlarğa tıqşınuı xaqındağı farazlarnı kön üzägenä çığarırğa isäpli.  Monnan tış, Ukraina, Süriyä häm Qırım mäs’äläläre dä urtağa quyıp söyläşenäçäk. Sankśiyälärgä kilgändä, Tramp bu sorawğa açıq cawap birmäde, barı: “Rusiyäneñ närsä êşläwenä qarıybız,”-dide. AQŞ ilbaşı Rusiyäneñ Qırımnı annekśiyäläw mäs’äläsendä êlekkege prezident Barak Obamanıñ söyläşülären “uñışsız” dip bäyäläde.

Tramp Bötendön’ya säwdä oyışmasınnan çığu turındağı xäbärlärneñ yalğan buluın, andıy niyäte yuqlığın belderde. Şul uq waqıtta, ul oyışmanıñ AQŞqa qarata ğadel bulmawın qabat assızıqladı. İlneñ Awrupa Berlegennän alınuçı texnikağa salımnı arttıruı belän bäyle soraştıru 3-4 atna êçendä tögällänäçäk.    

Tramp Germaniya häm başqa Awrupa däwlätlärenä möräcäğat’ itep, NATOğa tağın da kübräk çığım yasawları kiräk buluın iskärtte. Ul: “AQŞ, başqalar belän çağıştırğanda, küpkä artıq aqça sarıf itä,”-dide.