Kön’yaq Koreyadan Rusiyägä küptän yasalmağan säfär

Kön’yaq Koreya däwlät başlığı Mun Çje-in 23-24 iyün’dä Rusiyägä räsmi säfär yasayaçaq. Anıñ ilbaşı Vladimir Putin belän oçraşuı kötelä. Seuldan yasalğan belderüdä Mun Çje-innıñ Rusiya prezidentı çaqıruın qabul itüe äytelä. Anda, şulay uq, Koreya yarımutrawında yasalğan adımnarnıñ däwam itüe häm tınıçlıqnıñ urnaşuı ike däwlät arasındağı strategik mönäsäbätlär häm xezmättäşlekne üsteräçägenä basım yasala.  

Kön’yaq Koreya däwlät başlıqlarınıñ 1999nçı yıldan birle Rusiyägä ayaq basqannarı yuq ide.