Putinğa häm xökümätkä qarşı rizasızlıq belderü çaraları

 Rusiya külämendä däwlät başlığı Vladimir Putinğa häm xökümätkä qarşı rizasızlıq belderü çaraları uzğan.

 Älege çaralarda distälärçä keşe qulğa alınğan.

İlneñ şaqtıy qalasında meñnärçä keşe mart ayında uzğan saylawda qabat ciñügä ireşkän Vladimir Putinnıñ 7 nçe mayda ütkäreläçäk räsmi räweştä wazıyfasına kereşü tantanasınnan êlek protest çaraları oyıştırğan.

İlneñ tanılğan oppoziśionerı Aleksey Naval’nıynıñ çaqıruı belän uramnarğa çıqqan watandaşlar Putin häm Rusiya xökümätenä qarşı şiğar’lär äytkän.

Mäskäwdä rizasızlıq belderü çarasında qatnaşıp qısqa waqıt uzuğa Naval’nıynı poliśiya qulğa alğan.

Putin tarafdarları belän protestçılar arasında talaş-ğawğa kilep çıqqan.

Rizasızlıq belderü çaralarınıñ qanunsız buluı säbäbe belän küp sanda keşe qulğa alınğan.