Tön’yaq Koreya propaganda dinamikların cıyıp ala başladı

Tön’yaq Koreya propaganda maqsatı belän quyılğan dinamiklarnı cıyıp ala başladı. Bu xaqta Kön’yaq Koreyanıñ xärbi wäkile belderde. Alar çik buyındağı dinamiklarnıñ alınuların kürgän. Bu – uzğan atnada bulğan ikeyaqlı sammit näticäse. Çiktäge dinamiklarnı inde aldan uq ala başlağan bulğannar.

Kön’yaq Koreya ilbaşı Mun Çje-in häm Tönyaq Koreya liderı Kim Çen 27nçe aprel’dä ike il arasındağı  Panmınçjon awılında oçraştı. Alar sammit axırında urtaq belderü yasadı. Anda  Koreya yarımutrawında atom-töş qorallarınnan tulısınça qotılu häm “utnı tuqtatu” qararın solıx kileşüenä äwerelderü öçen söyläşülär başlanacağın xäbär ittelär. İke däwlät ber-bersenä qarşı köç qullanmayaçaqların, qarşılıqlı räweştä qoralsızlanunı däwam itäçäklären häm xärbi kiyerenkelekkä çik quyıp, solıx yulında bulaçaqların assızıqladı.

Monnan tış, liderlar Tön’yaq Koreyanıñ Pungi-ri poligonın mayda yabu mäs’äläsendä kileşte. Bu çara öçen ilga iminlek belgeçläre häm jurnalistlar çaqırılaçaq.