Tramp Twitterdan Rusiyägä möräcäğat’ itte

AQŞ ilbaşı Donal’d Tramp Twitterdan Rusiyägä möräcäğat’ itte. Bu Mäskäwneñ  Süriyä rejimın här raketadan saqlayaçağın iğ’lan itkännän soñ buldı. Tramp üzeneñ säxifäsendä urtaqlaşqan yazuda: “Rusiyä Süriyägä cibärelgän här raketanı bärep töşeräçägen äytkän. Alaysa, äzer bul, Rusiyä, raketalar kilä. İñ äybäte, yaña häm aqıllılarınnan. Üz xalqın yuqqa çığaruçı häm monnan täm tabuçı “gaz belän üterüçe xaywan” belän urtaq bulmasqa ide”,-digän cömlälär qullandı.

Bu yazuınnan soñ yaqınça 40 minut ütkäç Tramp tağın ber fikere belän urtaqlaştı. Ul anda: “Rusiyä belän mönäsäbätlärebez äle bu qadär naçar bulmağan ide”,-dide.

Äsäd rejimı 7nçe aprel’dä Könçığış Gutanıñ Duma rayonına ximik höcüm yasadı, 78 keşe ülde.

AQŞ BMO İminlek şurasına küpläp üterüne tikşerü häm cawaplılarnı açıqlaw öçen mexanizm tözüne täq’dim itkän proyıkt väzerläp tapşırdı, ämma Rusiyä aña veto quydı.  

AQŞnıñ BMOdağı daimi wäkile Nik Xeyli: “İminlek şurası xäräkätkä küçsä dä, küçmäsä dä, AQŞ Süriyädäge ximik qoral höcümenä cawap biräçäk”,-dide.  

Prezident Donal’d Tramp  Äsäd rejimına qarşı böten çaralarnıñ, şul isäptän, qorallı höcümneñ dä, qaraluın belderde. Ägär ximik höcümdä öleşe bulsa, Rusiyä ilbaşı Vladimir Putinnıñ da monı tüläyäçägen telgä aldı.