Mäskäwdä “Törkiyä kiçe”
İftar aşın Mäskäw möftilege häm Törkiyäneñ Rusiyädäge ilçelege oyıştırğan
Rusiyä başqalası Mäskäwdä qorılğan Ramazan çatırında “Törkiyä kiçe” isemle iftar aşı programması oyıştırılğan.
Ciñü mäydanında qorılğan Ramazan çatırındağı iftarda Törkiyäneñ Mäskäwdäge tulı wäqalätle ilçese Xösäyen Diriöz, Rusiyä Möftilär Şurası başlıq urınbasarı Rüşan Abbasov belän här ike ildän şaqtıy watandaş qatnaşqan.
Mäskäw möftilege häm Törkiyä ilçelege äzerlägän programma Qor’än-i Kärimne uqu belän başlanıp kitkän.
Törkiyä ilçese Diriöz yasağan çığışında: “İzge Ramazan ayı uñayınnan bezne ber tüşäm astında oçraştırğan mondıy çaralarnıñ Törkiyä häm Rusiyä möselmannarı arasındağı urtaq tarixıbızğa bäyle ışanu häm küñel bağlarınıñ tağın da nığuına yärdäm itäçägenä ışanam,” – dide.
Mäskäw möselmannarı dini idaräse tarafınnan qorılğan çatırda ber’yulı 500, kiç buyı yaqınça meñ 200 keşegä xezmät kürsätelä. Çatırda här kiç törle illär häm töbäklärneñ iftar programmaları oyıştırıla.
