“Törkiyäneñ telägenä xökümätebez uñay qarayaçaq dip uylıym”

Törkiyä ilbaşı Räcäp Tayyip Ärdoğannıñ “DEAŞ” terror oyışmasına qarşı köräşne Rusiya belän bergä alıp baru süzlärenä älege ildän cawap kilde.

Duma saqlanu komitetı başlıq urınbasarı Andrey Krasov “Törkiyäneñ terrorğa qarşı köräş mäs’äläsendä Rusiya belän xezmättäşlek başqaru telägenä xökümätebezneñ uñay qarayaçağı turında uylıym”dip belderde.

“Sputnik” xäbär agentlığına interv’yu birgän Krasov ike ilneñ bu mäs’älädä urtaq yul tabuların ,başqa mäs’älälär xaqında söyläşü öçen liderlarnıñ küreşep söyläşüläre kiräklegen citkerde.

Törkiyä ilbaşı Mäskäwdän täqdim kilgän oçraqta Rusiyäneñ “DEAŞ”qa qarşı köräşüçe köçläre belän bergä êşçänlek başqarırğa äzer buluların beldergän ide.