"Törkiyä –Rusiya mönäsäbätlären cayğa salu töbäkkä uñay yoğıntı yasayaçaq”
Bu xaqta Rusiya Federatsiyäse tışqı êşlär ministrı Sergey Lavrov beldergän
Rusiya Federatsiyäse tışqı êşlär ministrı Sergey Lavrov Törkiyä –Rusiya mönäsäbätläreneñ normalläşüeneñ ike ilneñ Süriyä problemasın çişüdä tağın da tä’sirle urtaq yullar êzläwgä yärdäm itäçägen beldergän.
Lavrov räsmi säfär qısasında Azärbaycanda tışqı êşlär ministrı Êlmar Mämmädyarov belän oçraşıp söyläşkän.
Sergey Lavrov söyläşüdän soñ ütkärelgän urtaq matbuğat oçraşuında Törkiyä –Rusiya mönäsäbätlären cayğa salu barışınıñ töbäkkä uñay yoğıntı yasayaçağın assızıqlağan.
Älege barışnıñ Süriyä krizisın çişügä dä öleş kertäçägen belderüçe Rusiya Federatsiyäse tışqı êşlär ministrı bu mäs’älädä qaraşlarnıñ tulısınça turı kilep betmäwen , fäqät Törkiyä tışqı eşlär ministrı Mävlüt Çavuşoğlu belän ay başında Soçidağı oçraşularınıñ konstruktiv uzuın da xäterlätkän.
Lavrov Berläşkän Millätlär Oyışması iminlek şurası häm Süriyägä yärdäm törkeme qararların tormışqa aşıru öçen tağın da açıq räweştä söyläşergä tırışaçaqların äytkän.
Qarabax problemasın çişü barışında nindi alğarışlar buluı turındağı sorawğa Rusiya Federatsiyäse tışqı êşlär ministrı Sergey Lavrov “Söyläşülärneñ neçkälekläre xaqında mäğlümat birä almıybız. Sankt-Peterburgtağı oçraşudan soñ ilbaşlarınıñ beldergesendä dä neçkäleklärgä urın birelmäde. Bu här söylaşü barışınıñ êtik qağidäse. Fäqät bu yulı çişeleşkä tağın da yaqınaydıq”dip cawap qaytarğan.
