Yevrovideniyedä bayraq krizisı

Bıyıl 61nçese oyıştırılaçaq Yevrovideniye cır bäygesendä bayraq krizisı çıqqan.

Awrupa Teleradiotapşırular Berlege tarafınnan açıqlanğan tıyılğan bayraqlar isemlege bäxäs tudırğan.

Uzğan atnada älege berlekneñ tıyılğan bayraqlar isemlege Yevrovideniye cır bäygesennän alda matbuğatqa ütep kergän.

İsemlekkä reaktsiyalär belderelgän.

Fälästin, Kosova, Qırım tatar, Tönyaq Kipr Törek Cömhüriyäte häm Bask bayraqları däwlät bayrağı bulmawı nigeznamäse belän Yevrovideniye 2016da tıyılğan.

Moña östäp bu illär “DEAŞ” terror oyışması bayrağı belän ber ük isemlektä urın alğan.

Berläşkän Millätlär Oyışmasına äğza bulğan 135 il häm Şvetsiya tarafınnan tanılğan Fälästin bayrağı belän bäyle Yevrovideniye idarä şurası qararına reaktsiyalär soñarmağan.

Yuğarı däräcäle ber Fälästinle räsmi zat Awrupa Teleradiotapşırular Berlege başlığı Jean Paul Philippotnıñ 11 million fälästinledän ğafu ütenüe zarurlığın äytkän.

Yevrovideniye räsmi zatları reaktsiyalärdän soñ isemlekneñ açıqlanmayaçağın häm älegä ölge buluın däğwa itkän.

2016 Yevrovideniye cır bäygese Şvetsiya başqalası Stokgolmda uzaçaq.

Tawış birü sistemasındağı ğadelsezlekne tänqitlägän Törkiyä 2013nçe yıldan birle bäygedä qatnaşmıy.