Sofiyada Awrupadağı qaçaq krizisı söyläşelgän

Bolgariya, Rumıniya häm Serbiya premyer-ministrları Bolgariya başqalası Sofiyada oçraşıp qaçaq krizisı xaqında söyläşkän.

Yuğarı däräcäle cıyılıştan soñ ütkärelgän matbuğat oçraşuında öç il premyer-ministrı qaçaq krizisı häm regional iminlek belän bäyle urtaq fikergä kilülären citkergän.

Bolgariya premyer-ministrı Borisov oçraşuda qabul itelgän qararlarnı açıqlağan.

Borisov Germaniya häm Avstriyanıñ qaçaq ağımına qarşı çik buyların yaba başlawların xäterlätep “Çik buylarığıznı yabarga däwam itäsez ikän, bez dä moña äzerbez”dip beldergän.

Boyko Borisov öç ilneñ monnan soñ bu mäs’älälärdä bergä xäräkät itäçäklären assızıqlağan.

Borisov qaçaqlar mäs’äläsendä Törkiyä belän tözelgän kileşülärgä yaqlaw kürsätü, ışanıçlı, imin töbäklär buldıru häm kiräk bulğan oçraqta kire cibärü barışın ğamälgä kertü kiräklegen dä beldergän.